Was trinket dir grad?

[Vince]

Hie cha me mit de angere Ustusche was me grad am trinke isch und eventuell o sini iidrück dezue gä

[Vince]

I bi zur Zit grad a mim letste Bier dranne, es klassischs Lager mit em passende Name 'Bier'.

photo_2021-04-05_16-18-42.jpg (74.97 KiB) 22796 mal betrachtet

[Vince]

Hüt gits es Duopolis vo Brewdog. Gmäss ihne es Oat Cream Double Dry Hopped IPA, a hopped up modernist milkshake.

[DasAlpaka]

Bier: USZIT
Lagerbier Kaltgehopft
Alc. 4.8% Vol
IBU 22

Eindruck:
Geschmacklich sehr nahe an Feldschlösschen. Eher fade und unspektakulär.
Bitter im Abgang.

Fazit:
Besser als Heineken.

[Vince]

Ds No. 1 vo Büffelbier. Es amerikanischs Amber Lager wo scho sit 2 Wuche abgloffe isch.
Geil, süffig, liecht hopfig.

Si hei übrigens zur Zit Usverchouf: bueffelbier.ch, da si letscht Jahr viu hei braut und si langsam abloufe.

[Vince]

Es Basilikum-Bier vo Doppulöi!
D'Idee hei si dänkt bi Devia abgluegt.

Erstunlech guet!

[Vince]

Zwar ke Bier, bi mi abr momentan a de Speziaueditione vo Säntis Malt, dr Whisky vor Brauerei Locher, am düreprobiere.
Vo Links nach rächts: Golfer's Birdie Water (Bier- und Sherryfass), Snow White No. 8 (Fass Pineau des Charentes), Edition Alpstein XVII (Bier- und Rumfass) und Edition Genesis No.2 (Bier-, Bourbon- und Rotwiifass).

Edit: Het mi leider kene würklech überzügt. Am beste fingi no dr Genesis No. 2. Dä isch schön smooth und het agnähmi Houznote, isch abr dürs Rotwiifass ou chli fruchtig.

[Eddy Eddyson]

Brewdog - Dog J

Chocolat Chili Imperial Stout
14.1%

Jubiläumsbier vo Brewdog. Für mi Geschmack doch etwas zu Chili lastig. Derbi geit d Schogginote eher unter.

Pris -Dröhnigsverhältnis isch trotz em höch Alkoholgehalts uf unterem Niveau.

Note: 6.5/10

Koste: 16.- im Drinks of the World. Das ist schon recht überrissen. #moneygun#ichhanauerolex

[Eddy Eddyson]

Triple

Vintage Edition - barrel Aged Two Years

Tripel bier vom Tramdepor wo spontanvergärt isch u 2 Jahr im im Klösterlistutz isch glageret worde.

Gschmacklich isch relativ süess, mit starkem würzigem mittuteil u liecht sürlichem abgang. Derzwüsche hets ganz bitzli gschmack nach lakritze und nussiger schoggi. Eher wenig kolesäuri ufweist.

Ds Bier isch sehr kläberig woruf ig uf e höchi stammwürzi würd zrügg schliesse. Das isch aber uf dr fläsche ni ersichtlich.

Alkohol 14%. De schöckt me zwar scho e bitz use aber nid gad i dem krasse usmass.

Note 8/10

Limitierti edition fläsche 139 vo 200.

Pris: 34.- isch aber jede rappe wert u muess me mau probiert ha.

Errineret mi e bitz as legendäre bier vo Heidelberg woni den im 12h 48i Challange ha mitbracht.

L

[Vince]

Alkohol 14%. De schöckt me zwar scho e bitz use aber nid gad i dem krasse usmass.

Note 8/10

Limitierti edition fläsche 139 vo 200.

Pris: 34.- isch aber jede rappe wert u muess me mau probiert ha.

Errineret mi e bitz as legendäre bier vo Heidelberg woni den im 12h 48i Challange ha mitbracht.

Jaja, jetz fingsches plötzlech geil, abr am Bacon Beer Day bisch ämu nid überzügt gsi